Kinderreime

Diese Seite ist Priska gewidmet!

Fingerversli Chendsgi

Foif Chind schtönd am Strosserand, - si gönd in Chindsgi mitenand
S'erscht rännt eifach übert Stross
S'zwait rännt eifach hinenoh
S'dritte chnaberet sis Brötli aa
S'vierte lueget emene Schnäggli naa
Und s'foifte seid: nai, nai, nai, zerscht mümmer warte, luege und dänn laufe, über de gäli Fuessgängerstraife

Fingerversli Herbscht

Ich bin d'Kastanie Pfüüsli
und wohne imne stachlige Hüüsli
Ich bin d'Baumnuss Bolle
und chan ganz schnäll rolle
Ich bin dä Tannezapfe Fritz
und wohne z'oberscht uf em Tannespitz
Ich bin d'Eichle Päuli
fresse tüend mi leider d'Säuli
Und ich bin s'Erdnüssli
und gibe dir grad äs Küssli

Fingerversli Musikante

Das send föif Musikante:
Dä spielt Trompete
dä stricht der Bass
dä spielt Flöte
dä trommelet uf es Fass
und de chlini Agaton
spielt uf em grosse Saxophon

Fingerversli Zmorge

Dää sitzt still und froh am Tesch
dää bringt Weggli herrlech frösch
dää schänkt Melch und Kafi ii
dää tuet echli Zucker drii
dää seit: Lass no es betzeli schtoh
s'Büsi mues au z'Morge haa.

Fingerversli Rääge

Dä seit: bim Rääge, do wird me nass.
Dä seit: bim Rääge, das isch kei Gschpass.
Dä seit: bim Rääge, do goni ned us.
Dä seit: bim Rääge, do blib ech im Huus.
De Chlinscht seit bim Rääge:
I mag nöd uf d'Sunne warte,
i goh mit em Schirm in Chendergarte.

Fingerversli Afrika

Dee good uf Afrika
Dee luegt em truurig noo
Dee seid ade ade
Dee seit uf wederseh
Ond de chlii seid
Pass denn uf am Nil
do hed's es grosses Krokodil

bei "Pass denn uf...." mit den Händen Maul des Krokodils nachmachen und bei "Krokodil" den Kopf des Kindes verwuscheln

Reiterversli Joggeli

Kind auf die Knie nehmen, Beine links und rechts

Joggeli, chasch au riite?
ja ja ja
hesch du d'Bei uf beedne Siite?
ja ja ja
hesch im Rössli z'ässe gee?
ja ja ja
hesch im Rössli z'trenke gee?
nei nei nei
denn riited mer zum Bronne
ond riited drüü Mol omme
denn macht das Rössli trapp
ond rüert de Joggeli drabb

Anstelle von "Joggeli" kann auch der Name des Kindes gebraucht werden, beim letzten Satz Kind nach hinten "ausleeren"

Schiff fahren

Scheffli fahre ufem See
han ech schöni Sache gseh
chond en Schtorm und chond en Wend
kippt das chline Scheffli gschwend!

Kind auf den Knien hin und her schaukeln, beim Sturm immer stärker, bis das Schiff kippt!

Fünf Schweinchen

Foif Söili chöme d'slaufe
dr Bur wotts go verchaufe
ds Schnüfelnäsli
ds Gwaggelöhrli
ds Ringelschwänzli
ds Chugelränzli
u ds chlinschte, ds Wädelibei seit:
chum mir renne wider hei

Mit Fingern von der Schulter des Kindes Richtung Hand laufen

Auf dem Markt

flache Hand des Kindes auf deine flache Hand nehmen

do hesch en Taler auf Kinderhand klatschen
gosch uf de Märt klatsch
chaufsch der en Chue klatsch
es Chälbli dezue klatsch
s Chälbli het es Schwänzli klatsch
macht giligiligänzli Handfläche kitzeln